حوار مسئوووول جدااااااااااااااااااااااااااااا

 المنظم

المهندس:طبعا يافندم حضرتك عارف ان المواطنين بيشتكوا مر الشكوي من انقطاع الكهربا
الوزير:اه يا سيدي احنا ورانا حاجه غير الشكاوي
المهندس :عشان كده انا فكرت في حل
الوزير :قول ياسيدي
المهندس :الاول نعرف المشكله طبعا سيادتك عارف اننا العامل بينزل السكينه بتاعه الكهربا ويرفع التانيه وينزل التالته وهكذا وطبعا بيتعب فممكن يقطع الكهربا خمس ساعات ونص بدل خمس ساعات بس وهي دي المشكله 
الوزير : اه فعلا والحل 
المهندس :الحل ببساطه منظم (تايمر)ساعدتك جهاز ندخل علي البيانات وهو يقطع لوحده ويوصل لوحده بدل العامل يعيني المسكين اللي ينزل ويرفع لوحده
الوزير : هنريح العامل وهنظبط الكهربا علي خمس ساعات بالتمام امممممممممم
المهندس :ايوه يا بيه 
الوزير:اوك 
المهندس :بس بقي في شويه حاجات 
الوزير :قول
المهندس :هنعمل قسم نسميه قسم المنظم
الوزير: بسيطه ادي خمسين مليون لانشاء قسم المنظم
المهندس:والعماله والمهندسين اللي هيشتغلوا عليه
الوزير :بسيطه ادي خمسين مليون لاقامه مسابقه للعماله 
المهندس :محتاجين يدربوا
الوزير :بسيطه ادي خمسين مليون للتدريب والسفر للخارج
المهندس:تمن الجهاز بقي المستورد من الخارج
الوزير :بسيطه ادي خمسين مليون للجهاز نفسه 
المهندس :الاسلاك 
الوزير :خمسين كمان
المهندس :وديكور مكتبي 
الوزير خمسين كمان
المهندس وبدل السفر والترجمه
الوزير :خمسين كمان
المهندس :تمام لو احتجت حاجه بقي هبقي اقولك 
الوزير :وده هايخد مده قد ايه عشان يركب
المهندس  :من عشره لخمساتشر سنه
الوزير: عظيم احنا في خدمه المواطن علي خيره الله

سيناريو قبيح

سيناريو قبيح

قصه الواد الشقيان وجوز امه الجبار الواد غلبان بيشقي طول النهار واخر الليل يرمي همومه في حضن امه والفلوس في ايد الغدار

الواد المرض صابه والجوع نحت عضامه والسكات انفجر بالصراخ وقال لامه جوزك لازم ينزاح وراح لعمه لاجل يضمه ويقف جنبه والعم كان فتاك وعنده رجاله وسلاح والامل خلاص لاح والضلمه بقت مصباح 

وفي يوم العم اجتمع بالواد وقاله الام جميله ومينفعش عليها السكات لازم عريس يصونها وفي غيابك يبات  لاجل الامور تبقي محسومه وكله بالحسابات

الواد بص في عين امه وسرح وافتكر اللي فات ياتري ياللي هتيجي هتكون جدع ولا البطل مات

واتنطورت العرسان علي يمين وشمال العم والواد مبقاش خلاص شايل هم معاه ام جدعه وعم

  وعلي يمين العم كان عريس ملثم وفي خلسه مد ايده بالظرف خد ياخينا ده مقدم

العم هز راسه بالرفض وقاله لسه هختار

الملثم شاور بايده ادي ياسيدي عريس متخدر والتاني مالوش في الجواز والتالت حرامي مخضرم انا الصالح الوحيد بالشرع والدين

العم ابتسم وقاله وافقتك وانت عريس الام والواد امانتك

دخل الملثم البيت والواد كان في انتظاره والام متكحله بفستانها الابيض واقفاله

خلع الملثم لجامه وظهرت بشاعه عيونه وتجاعيد لسانه وبصوت مسموم قال البيت مش بيتك وانا ليا عيله وجماعه اربع ستات وولادهم كلنا نعيش جماعه

الواد الغلبان خلص من جبار وجاله الف وليه يعيش مع ناس ميعرفش

الواد علي عمه طيران الحقني يا بيه انت اللي وافقت عليه

العم باتسامه متخافش ياواد انا جالي الجبار جوز امك القديم واتفقنا عليه

وانا ذنبي ايه

انت بس تاخده علي قد عقله

واخرتها ايه يرجع تاني الجبار

لا هيجوز امك ابني الصغار

بس ده عاطل ومالوش شغلانه

البركه فيك تشقي وتديله امانه

وامي مين يشيل همها وحيده

كفايه انه زينه وهيبه وامان ليك وليها

طيب تمام

وراح العم وشلته وزاح  الملثم وجماعته

والواد شم نفسه وارتاح

بس في مثل بيقول لا تاتي السفن

لو لسه في رياح

الواد وامه احتلهم عبدالفتاح

ورجعت ريمه للوقت اللي راح

والواد لسه شقيان وتعبان ومصر

لسه ساح يا بداح